CAG (Coronary Angiogram) + PCI
နှလုံးသွေးကြော ပိတ်၊ မပိတ် ဓာတ်မှန်ရိုက်ခြင်း နှင့် နှလုံးသွေးကြော ချဲ့ကုသခြင်း
CAG Coronary Angiogram + PCI
Coronary Angiogram (CAG) နှင့် PCI ဆိုတာဘာလဲ?
-
CAG (Coronary Angiogram): နှလုံးသွေးကြောများအတွင်း ဆိုးဆေး (Dye) ထည့်သွင်းပြီး X-ray ရိုက်ကာ သွေးကြောမည်မျှ ကျဉ်းနေသလဲ သို့မဟုတ် ပိတ်နေသလဲဆိုသည်ကို အဖြေရှာသော စစ်ဆေးမှုဖြစ်သည်။
-
PCI (Percutaneous Coronary Intervention): CAG စစ်ဆေးချက်အရ သွေးကြောပိတ်နေပါက Balloon (ပူပေါင်း) ဖြင့်ချဲ့ခြင်း သို့မဟုတ် Stent (စတန့် - သံကွင်း) ထည့်ခြင်းဖြင့် သွေးလည်ပတ်မှု ပြန်ကောင်းအောင် ပြုလုပ်သော ကုသမှုဖြစ်သည်။
ဘယ်သူတွေ စစ်ဆေးသင့်လဲ?
အောက်ပါလက္ခဏာများရှိပါက ဆရာဝန်နှင့်တိုင်ပင်ပြီး CAG ရိုက်ရန် လိုအပ်နိုင်ပါသည် -
- ရင်ဘတ်အောင့်ခြင်း (Chest Pain/Angina)
- အမောမခံနိုင်ခြင်း၊ အသက်ရှူကျပ်ခြင်း
- နှလုံးအမောဖောက်ဖူးသူများ (Heart Attack)
- အခြားသော နှလုံးစစ်ဆေးမှုများ (ECG, Echo, Exercise Stress Test) တွင် ပုံမှန်မဟုတ်သော အဖြေထွက်သူများ
- နှလုံးအဆို့ရှင် ခွဲစိတ်မှုမပြုလုပ်မီ သွေးကြောအခြေအနေ သိလိုသူများ
CAG & PCI လုပ်ထုံးလုပ်နည်း
နှလုံးသွေးကြောစစ်ဆေးခြင်း (CAG) နှင့် ချဲ့ခြင်း (PCI) လုပ်ငန်းစဉ်ကို လက်ကောက်ဝတ် သို့မဟုတ် ပေါင်ခြံမှတစ်ဆင့် ထုံဆေးဖြင့် ပိုက်ပျော့ထည့်သွင်း၍ စတင်ပြီး၊ သွေးကြောအတွင်း ဆိုးဆေးထည့်ကာ ဓာတ်မှန်ရိုက်၍ ပိတ်ဆို့နေသည့်နေရာကို အတိအကျရှာဖွေကာ၊ ပိတ်နေသောသွေးကြောကို ပူပေါင်းဖြင့်ချဲ့ပြီးနောက် သွေးစီးဆင်းမှုအမြဲကောင်းမွန်စေရန် စတန့် (သံကွင်း) ထည့်သွင်းခြင်းကို ခွဲစိတ်ရန်မလိုဘဲ အချိန်တိုအတွင်း ထိရောက်စွာ လုပ်ဆောင်နိုင်ပါသည်။
BPK9 International Hospital – Heart of Care
